星期二, 6月 12, 2007

好市?

今天工作如常地繁忙。小女子昨夜又做到十一時多,疲倦得連自己姓怎名誰也不大知道之際,見到下屬的一封電郵:

「本人以此電郵告知,決定辭退本人現職,六月X日生效」。

唉。

P仔近日風頭火勢,小女子忙於安撫這又安撫那,近至P仔在香港的隊伍,遠至倫敦,紐約的「非隊伍」隊員,大家都好像身家雄厚,不怕沒工做似的。下屬來一個惡號,對小女子來說,簡直是百上加斤。

今早就在百忙之中,抽空和她詳談:「為何作出這個決定?」

「找到新工作,人工多兩成,工作性質沒有這裡繁忙,能早點放工;人事也沒有這裡複雜。知識上,這裡比想象中難掌握,太難了!」

其實下屬不遞屬P仔,小女子一直保護她,給她P仔能帶給她學習,以及和高層接觸的機會之餘,也代替承受不少的風險。錯事立刻插手調解,好事的時候,在人前讚美不及;處處怕她嫌悶,有一些明知道年輕人會感厭悶的工作,小女子也自己替上身,留那些特別有挑戰性的工作給她;在她面前再緊張,也不敢有什麼脾氣。記得小女子初出道首兩年,日夜給上級欺侮,工作厭而且悶不在講,處處有鑊自己背之餘,也事事替上司背鑊。自己終於做別人的上級,想以心比心,給別人一個好經驗。對她,小女子可算是人至義盡。

當初請人的時候,第一樣交帶的,便是這裡工作繁重,時間長,很多事情需要下屬單獨面對,未必有太多人有空去幫助她。記得她還不斷地說好,說自己年輕,不怕辛苦,想學新事物,想面對挑戰…才不過三個月,連Probation都未過,說走便走。難為小女子看了四十多份履歴,見過十多個人,最終請了妳。好聽點說,尊重人各有志;不好聽的,「你玩野呀!」

小女子一向不大看得起人「跳草裙舞」。為兩成人工而離開,太短視了。現今雖然是勞力市場,也明白資方欺壓太久,工一轉便是二,三成的升幅,誰也心動。但是,會否想過香港的市場如此小,難免會有下次碰面的機會。在我眼中,妳已經不是一個信得過的人;誰又敢擔保,你一到好市時又會否在風頭火勢的時候,給小女子再來一棒?為兩成增益,你只做了兩個月便走,可知道你為這兩成,斷了多少後路?

23 則留言:

甘正光 說...

「但是,會否想過香港的市場如此小,難免會有下次碰面的機會。在我眼中,妳已經不是一個信得過的人;誰又敢擔保,你一到好市時又會否在風頭火勢的時候,給小女子再來一棒?為兩成增益,你只做了兩個月便走,可知道你為這兩成,斷了多少後路?」

所言甚是... 讓小弟日後出社會工作,獲益良多。

匿名 說...

我諗哩d唔係叫做「跳草裙舞」,應該係叫「過橋揪板」先真。做左三個月就跳去另一間bank,仲唔係「趙完鬆」。

不過,你應該興幸三個月就睇到佢係乜人。如果佢一年先走你,你仲頭痕。佢學曬你d o野,handle緊d critical o既system。佢一走,你又要搵replacement,佢又要handover番d o野俾你,你仲唔頭痕?!

人地廿o靚歲,唔係唔識諗,不過「人各有志」遮。好可能當初新join o既時候,未知到你o個到咁harsh。可能人地weight personal life more than work life,即係同你o既working style唔夾。你早日放生佢,好過日後頂心杉。

我諗你三十未(或剛)出頭,其實你都應該take a balanced life。成日只係顧住份工會忽略身邊好多o既o野。It’s only a job。 Take it easy。staff turnover係一個完美o既excuse去defer你o既P仔。你可以以此為籍口去relax一吓。你不應降罪於佢,反而應該多謝返佢先o岩!

做得哩行,就知到哩行d resource係好鬼dynamic。我點解成日掛「平常心」在口邊,就因為深知到哩行係幾咁dynamic幾咁demanding。比著我就唔會處處保護d o靚,俾d managable o既蕉皮佢踩吓,佢先學o野學得快。train一個人真係唔可以一時三刻可以train到,technical skills就容易train,做o野o既sense、committment、follow-through,就睇你o既做化。可能幾個月就sense到你要d乜,有d人可能一世都唔明。養著一個頂心杉,你又趕佢唔走,問你死唔死?!

講真哩一行好細,來來去去法記、麥記、雷記、德記…佢真係要閃得好睇d。所謂「今日留一線,他朝好相見」。如有幸遇到你條o靚,等我點化一吓佢。

匿名 說...

我又唔係咁睇喎,做落發現份工唔o岩自己,出面又有好offer,點解要唔走呢?講真,你公司真係會好有人情味,同自己甘苦與共?點解要求員工咁忠誠。
公平一點,如果出面有人向您挖角,出多一倍人工,去做妳的Dream job,妳真係會話出得黎行,要講義氣,我一定唔走攪定Project先?

C.M. 說...

>>為兩成人工而離開

棉花妹妹:

咁問啦:她是否真的只是為了多兩成人工而離開?有否其他原因?

(... 唔... 呢篇值得參考,bookmark住呢篇先,遲d小弟再試試了解下。)

匿名 說...

Marshmallow,

AK咁睇,三個月Probation,你試佢之餘,佢都試緊你...AK做工,一般都會係三個月既時候做番個小結,度清楚先決定去留,因為過左三個月,就唔係七日通知,係一個月...AK一向係value mobility好重既人...

至於講人工...也說真的...雖然唔係惟一既factor,但點講都係significant既factor,唔通真係「求學不是求分數」咩...


btw...AK見到Bossini有件新T恤,上面印住I'm Fluffy,中間印住枝棉花糖...下面印住Cotton Candy...一睇到就諗起你...哈哈哈...

Marshmallow 說...

甘正先生—在香港做事,最緊要記住香港環頭極細,如啊邊個提到(喂,究竟你係啊邊個姐!?)「今日留一線,他朝好相見」。

啊邊個邊個—係呀係呀,法記、麥記、雷記、德記、花記、大魔記、小魔記...小女子記記都識得人。次次朋友聚會都會問:「喂,你識唔識啊邊個邊個」...遲早起你底!

Yau—都是那一句,香港環頭極細,人情味又是中國人社會的一個重要的一環,無話公平不公平,一傳十,十傳百,你的「朵」就是這樣花了。出來做事,不講義氣,無可厚非。但dream job,也不存在。為兩成加薪花了自己的「朵」,不值得囉...

CM兄—我也有問過自己,她是否真的只是為了多兩成人工而離開?她可能是,也可能不是。只知小女子已經盡力令她在這裡比平常「好過」,連這也不能夠忍耐,正如AK兄所說,「你試佢之餘,佢都試緊你」,可能大家不適合對方囉。以她的角度來看,她可能覺迫不得以;以小女子的角度來看,何嘗不是百上加斤。開始明日到,勞方與資方為何永遠對立...

AK兄—好!立即去買!不過,Cotton Candy...好似好騎呢喎...

陳奶占 說...

很喜歡你的日記, 跟ak兄的一樣也道盡pr的情況(我不想用苦況), 占仔並不是同路人但卻有興趣, 依家看看也可作一取捨...

棉花姐姐既下屬要走, 想必棉花姐姐有感被抽後腿, 但係唔通佢有離心, 仲要留係度冇晒心機毫無生產力但係唔走搏炒乎?
上司下屬關係有時比情侶更吊詭, 你對佢好唔等於佢鐘意, 相反亦然...只能說句不合吧...(誠然你可以怪佢唔將你係interview個時對工作既描述再作考慮, 占仔亦絕對覺得棉花姐姐你係一個好好好好又好有能力既上司...)

p.s. 占仔其實近日都有d似此下屬一樣有離心...做左近一年, 有一個很好的上司, 不同的只是, 占仔未搵工,亦未必想搵一份人工更高既工...只係想開心而已..

匿名 說...

回應版主,咁我都係問個句,人地俾多多人工妳,讓妳脫苦海,咁妳會唔會走呢?將心比己,點解唔唸一下其他人呢?

K 說...

其實您的情況, 只是冰山一角, 不少大中小企業現時都面對著同樣問題。

依家的新出來打工的一代, 很多不會像一些工作了超過3年以上的人般放多點時間去了解公司operation(當然不是全部都是如此吧); 過份salary就固然之, "下巴輕輕"就是好例子(一位年輕的人話"自己年輕,不怕辛苦,想學新事物,想面對挑戰", 坦白講我真係有點保留, 所以當初我做HR請人時, design了一些假設的問題考對方的)。

為了兩成人工兼未過probation而跳槽, 當然作為superior固然不高興, 不過亦是寫照(講緊當然不是為了100元而走, 多兩成的確多了個錢駛); 但反過來講, 一個未過probation而走的candidate, 當然同意您所講太短視兼不是一個信得過的人, 而且作為employer, record咁花, 而且"山水有相逢", 其實會有一定顧慮的。

不過想勸您: 要幫個employee, 自己不要把一些以為是boring的工作替上身(簡單而言, 甚麼都要學做), 對方未必會言謝和感激您的。

匿名 說...

小弟行不改名,坐不改性,小名安諾勿斯,洋名anonymous。

係呀係呀,你咪起我底囉!挖到我,請你去Cova high-tea(順手點化吓你)。

P.S.我考完試,宜家同你鬥癲。

Marshmallow 說...

占少—感到被抽後腿, 坦白講,肯定有。下屬有離心,通常只有三個理由,一就是人工太低,二就是上不了位,三就是老細不好。人工她入來時的expectation給足了她,臨「入門」時又臨時講價,都一樣滿足她;上位方面,小女子一向都沒有障礙她,她做的工作比較她以前(雖然,也只是她CV說的以前)高檔,很多事都特別放手給她管,小女子在旁看得握一把汗也不敢出手,讓她自主;至於老細不好,只可以說,小女子唯一的不好,是不能夠每天讓她六時正放工囉。

Yau—現實社會無免費的午餐。自問人工比出面高,老細也曾經「咋形」,說小女子拿了他的命根。但不同的是,小女子一年以來能證明給老細看,他得到其實物超所值,而下屬在兩個月的時間內沒有。市價是什麼,其實個個employer都清楚。純粹以金錢來看,小女子不相信自己在苦海;也不相信別人給的多多的人工,會沒有代價。有咁上下人工,就有咁上下風險。只可以說,祝她好運。但想補充,花了的「朵」,多多錢都補不了。所以,切記不能太短視。

Karen—你有你的道理,回想起小女子的「職場小時候」,很多時老細給一些小女子認為瑣細的工作,最後都發現比小女子想像中高難度,也因而學到新事物。但現今的新一代,太少事做你又怕他們悶;太多又怕他們走;太惡又怕傷他們自專心;太仁慈他們又「蝦」你轉頭...唉,我都是打工仔一個,都只是想有個信得過的人做事...!

Marshmallow 說...

安諾勿斯—嘩!失敬失敬!竟言重有「洋」名!好「洋」呀!我鍾意呀!

?今日考完試,莫非安諾勿斯(洋邊個邊個)是准會計師?

匿名 說...

The IB market is really crazy to an extend that no one would care your history. They just want somebody join their teams and start working immediately.

Frankly our team (derivatives IT) is very short of people so once even incapable guys/girls hand in the resign letter they get counter offer with 40/50% salary jump. Sometimes I think is it really worth to maintain so called long term relation? Loyal staff get nothing but guys with gust can get immediate meat.

So, should I join the wind to test my value?

匿名 說...

undervalue兄:

你問得哩句,即你心中冇個價。如果你覺得自己真係undervalued,為何要問這個問題?

講真薪酬絕大部分係取決於供求(cm兄或karen姐姐可能會對這個論點有些意見)。如你所講,好多人跳草裙舞就有四五成升幅。為何有哩個現象?簡單來說是供求失衡,求過於供所。你估你老細係儍瓜,唔係其他公司搶人搶得太狼,佢都唔使做o野,由得d廢柴自動流失。要知道市場係非理性,有人出哩個價不代表你的內在價值就係咁多。內在價值是不會因市場而波動,但外在價值就要睇市場氣氛。宜家就係自97年已來,市場氣氛最好的一年。仙股都可以抄上一蚊,可況人材?!(我覺自己好似覆緊陸sir o既blog,多過覆緊哩個blog =p)

我會咁講,你係有權爭取你覺得合理o既薪酬,但係用咩方法,係要承擔番佢o既風險。如你選擇跳草裙舞,你要明白你老細可能唔counter-offer,而你冇其他offer backup,你就要加入失業大軍(宜家個市咁好,你應該唔駛驚,好快會搵到份新工,不過市況逆轉除外);你可能個朵臭o左,你老細唱衰你(雖然係一個假設,但真有其事)。

不過,我更加關注你心中冇個價,或你可能唔清楚自己要d乜。薪酬只係工作回報o既其中一部份,工作時間、滿足感、上司賞識、進升機會、同事關係、人際網絡、等等,你都要仔細想清楚,全面d去評估你現在職位上o既得著。我覺得如果你果到唔多點,點解唔直接搵過份新工,去見識一吓外面o既世界,做咩浪費時間跳草裙舞?!

今日講住咁多先,弟日同你傾過。最後,又係o個句「如有幸係工作上和你交手,請你多多包含,到時同你分享哩行上o既人和事。 」。

Esaltato 說...

今日0個集"原來自有機",阿夢大大聲咁鬧伍詠薇,話:"我唔駛你教我野,唔係人人都好似你咁有野心博上位,我只係想安安穩穩咁打份工咋。"

Marshmallow 說...

無事可再補充。安諾勿斯,一個字,服!

Marshmallow 說...

Esaltato—正說出小女子的心聲。人要望高處,無可厚非,每個人都想活得比現在好。但是,太過操之過急,一味只想一步登天,人變得短視,便很容易忽視了重要的步履,最終倒頭來傷害自己。

匿名 說...

安諾勿斯兄

多謝你的關心同指教.

其實都係想說明好市時的一個事實. 人工呢樣野, 做得好唔好都係次要, 最緊要有gust. 不過仙股都有升仙的一日, 依家比多D premium 佢.

我心目中當然有 "fair" 價, 所以先叫 undervalue. 唔走的原因就係你講果堆唔計錢既野 (工作時間、滿足感、上司賞識、進升機會、同事關係、人際網絡). 成個package 變左 fairvalue, 死未.甘既情形,除左jealous下之外, 都冇咩可以做.

你好似有好多經歷, 有機會一齊分享下.

仲有, 做呢行健康好緊要,早的訓好喎.

匿名 說...

undervalue兄:

指教不敢當,只是想分享吓小弟o既禺見。

多謝你的關心。最近公私兩面都不是太如意,有d壓力,要釋放自己。以睇blog覆blog來減壓(好似ck老闆一樣)。再加上剛考完試,有d放肆,所以玩夜o左。小弟以後多注意作息時間。

好同意你o既講法,人工好似窩輪。呢行係比較dynamic,d老細又比較短視,似足末日輪。市況向好,人工就好似價外轉價內輪一樣,大升。市況一逆轉,人頭就變成牆紙,公司裁了我們而後快。

致於人工公唔公平,因為太多因數我唔識答(cm兄或karen姐姐可以俾d意見嗎?)。不過,你好似幾鍾意你做緊o個到,而你都決定留番係o個到。既然你留番係到,作為公司o既忠心員工,你應向老細表達一吓你對公司人材流失o既「睇法」,了解一吓公司有d乜「實質」o既staff retention plan,同時俾番d「回饋」俾公司。多作雙向溝通,公司同員工都有所俾益。

匿名 說...

睇番9兄o既 one big test -
http://ondog.wordpress.com/2007/06/10/one-big-test
百般知味在心頭

匿名 說...

安諾勿斯 & Undervalue:

多謝咁比面提到小弟。因小弟正在外遊,故只能簡短。

查實你們說得都好,關於:

>>講真薪酬絕大部分係取決於供求

小弟查實幾同意呢個論點,不過,若從宏觀而言來說,是對的。但從微觀而言,或以一個正在任職的人已經來說(即非求職時),個人覺得“市場供求”對於薪酬既影響,唔係咁大。(查實你地兩個講緊既觀點/情況,已經反映左呢點。)

>>人工公唔公平...

小弟就咁講啦,唔同其他人比較既時候,咪最公平囉。 :)

王老五 說...

「仙股都可以抄上一蚊,可況人材?!(」

噓!真係走寶丫!
本小利大丫!就算今番搏唔到,d股仔都可以留番俾曾曾孫丫ma!

匿名 說...

cm兄:

小弟是cm兄一位小忠實讀者,不時拜讀cm兄的博客。抱歉小弟自知才疏學淺,不敢在cm兄處斑門弄斧。未在cm兄處留言,敬請見諒。

一想到關於人力資源的話題,不禁想起cm兄和karen姐姐。不是突登俾面cm兄,只是想冒昧賜教。

祝外遊愉快。