星期四, 2月 19, 2009

家族恩怨

和很多中式家庭一樣, 小女子的家族內, 充斥著不少紏紛. 但有些場合, 無論大家的關係有多不和, 也總要出席, 基本上, 大家同枱食飯, 各自修行. 不過, 上一代的恩怨, 又應否由下一代去解決?

話說棉花家和叔父的一家累有積怨, 家族中人也見怪不怪. 叔父是家中的黑羊, 從小女子開始懂事以來, 好像從來都未聽過叔父務過什麼正業, 但別人的事和小女子無關, 小女子當然也不會過問. 不過不參與, 並非代表小女子就不會被牽連其中.

叔父有一獨子, 也即是小女子的堂弟, 和小女子年紀相近, 亦因此自少成為小女子比較的對象. 由讀書到長大成人, 三姑六婆凡事總愛比較一番, 小女子有父蔭, 環境一向比堂弟好, 也明白堂弟受過不少的委屈. 不過對他自成年以後對小女子沖著來的總總針對, 小女子不禁開始反感.

還記得多年前被堂弟冼了一腳, 當時小女子新居入伙, 喜宴親朋, 姑母明知到大家的恩怨, 但為了一家和氣, 一早便叮囑小女子要請叔父一家, 小女子只好硬著頭皮打電話給堂弟. 怎料入伙酒前一星期, 三姑六婆無端提起, 「棉花糖都買樓啦, 幾時到你呀」, 言者無心, 聽者卻有意, 不知不覺地, 埋下了報復的伏線. 入伙酒當日, 一家人坐著呆等, 姑母給叔父打個電話催促, 才得到冷冷的回應說,「冇人請過我喎」. 給姑母側問的那刻, 小女子無疑是無言以對.

自此以後, 小女子起了介心, 但還是招架不了有心人的心計. 不過今次「中招」的, 是老表.

話說老表大婚, 請了一位可說是毫不稱職的婚姻顧問在場監督, 和堂弟做其伴郎. 婚宴的排名表, 可說是眾多家庭紏紛的觸發器. 誰坐主家席, 誰坐次席, 尤其是在棉花家這輩份分明的家族內, 可以說, 是絶對不能錯. 怎料老表被一班臨時出席的嘉賓亂了陣腳, 臨時修改排名表, 便出事了. 婚姻顧問聲稱不想打擾一對新人的安排, 自把自為的把排名表交給堂弟, 叫他代為安排. 排名表一到手, 堂弟想也不用想, 便把棉花爸媽挑出主家席, 和一班不知名的嘉賓坐在一圍, 反而輩份最低的表姐和堂弟的女友, 就坐在主家席.

一夜過來, 棉花爸媽當然不太高興, 但為了給老表一個下台階, 也沒說什麼. 老表一再道歉, 但也已經於事無補. 老表私下和小女子說, 這可說是他大日子中, 最大的遺憾. 最可恥的, 是婚宴過後, 親戚們的閒言閒語之間, 有心人一朝得意, 語無論次地繼續挑釁, 最終演變成「冬至飯一役」, 大家自始以後, 各走各路.

小女子最近開始列婚宴的排名表. 姑母舊事從提, 要求小女子做和事佬, 宴請堂弟一家. 本來小女子對酒席多三個人頭沒有意見, 但對可能發生的不快事, 倒不太希望見到, 只好斷然拒絕, 讓上一代的恩怨, 伸延至下一代.

10 則留言:

Derek 說...

祝好運...

篤篤篤撐 說...

有時冇緣份做親戚, 就真係冇得強求。
結婚擺酒, 最緊要主事人開心, 請邊個唔請邊個, 唔理得o甘多局外人既意見了

順祝新婚快樂...

C.M. 說...

唉,真係唔明,查實為乜?爭啖氣?

kenkachemhazard 說...

我常說, 小登科係人生既中期試, 要釐清你半生人既恩怨, 少d心力都會肥佬...

安諾勿斯 說...

棉花姐o既家事,真係唔應該加把嘴,不過又唔講唔得。好似CM兄話齋,又唔係冇o野十怨九愁,真係唔明點解會反哂面…

匿名 說...

親戚無得揀... 唉, 好無奈...

Marshmallow 說...

Derek兄 – 歡迎光臨, 多謝了…

篤兄 – 你講得好啱, 有時候就算係一家人, 都好講縁份, 冇既, 就無謂勉強. 婚禮仲有半年, 有排攪

CM兄 – 你都講得好啱, 小女子就真係唔知為乜. 不過恩怨呢啲野, 唔講唔講, 儲到咁上下, 就會一次過炸出黎

Kenka兄 – 都係架, 興幸小女子和身邊人都未因為婚禮嘈過, 對呢啲無聊野, 我地兩個都冇乜所謂, 不過家長就似乎好有所謂啦…

安兄 – 好多野既, 不過好似都係由妒忌開始

Incomplete – 有得揀既, 就係唔理佢地!!

N/A 說...

如果係我,都寧願唔請佢地,被人指指點點好過俾佢搞破壞 !

祝: 新婚愉快 ~

匿名 說...

係我都唔會請佢地啦,費事到時又唔知攪d咩出黎...
親戚只是有一點點血緣關係的人吧....

匿名 說...

漏左:)
祝,永結同心!!