星期一, 2月 16, 2009

憑什麼

又是一年一度派成績表的日子.

公司的等級不太多, 上年小女子升了職, 今年無職可升, 是意料之內, 倒是海潚之年還有花紅分, 嚇了小女子一跳. 不是說「公營機構」不會有花紅的嗎?! 但意外之財, 當然無人會抗拒.

曾經跟過小女子數個P仔的同事甲君, 今年榮升了一級.見她不斷的努力終於得到回報, 充心為她高興. 連忙給她一個祝賀的電郵, 心想她必定是開心不已, 怎料她嘆了一口氣說, 「我終於明白你上年經歷過的困擾」.

困擾她的, 當然又是那些酸葡萄的閒言閒語.

甲君在自己的隊員內, 是唯一的女兵. 最叫她受氣的, 便是這班男同事其中一些閒言閒語. 沖著這一點而來, 不外乎是什麼「女仔始終著數啲啦」, 「公平呀嗱! 呢啲咪叫公平囉! 佢今年先做兩個P仔, 我多佢幾個啦, 又唔見老細升我? 你地話幾唔抵嘞!」, 「如果唔係同老細有路, 佢憑乜升得咁快」等等. 對於甲君憑什麼升職, 又或是同事們憑什麼說甲君「唔抵升」, 小女子倒有些不忿氣.

和甲君共事了數個月, 對她的工作能力, 小女子絕對有讚無彈. 甲君一向做事認真兼勤奮, 多次和她工作至通宵達旦, 甚至半夜被公事的電話叫醒, 見她從無一句怨言, 第二天又精神抖擻的回到公司, 相比起很多的男同事, 她更捱得苦. 對放她憑什麼升職, 小女子可以大膽講, 她憑的, 是百份百的努力和付出.

對於同事們憑什麼說甲君「唔抵升」, 只可以說, 每個人在公司內, 一定有他們的崗位和付出. 你看不清, 不代表別人就必然沒有付出, 又或是付出不比你多. 同事們看不清老細看到的優點, 這也許也是他們無職升的原因: 連老細欣賞什麼你也不清楚, 又怎能希冀你做出老細欣賞的事? 若然甲君真的付出不夠同事們多, 那又如何? 老細一定有看到他欣賞的優點, 才作出升職的決定. 那優點可能是升職能令她的工作更順暢, 又或是升職能補償她收入的減少. 這一切, 同事們無可能完全明白.

吃不到的葡萄是酸的, 這一點小女子明白, 但為酸葡萄而抺殺別人的付出, 甚至乎含血噴人, 說別人和老細有路, 侮辱別人, 侮辱老細之餘, 也侮辱了自己. 你們, 又憑什麼?

7 則留言:

安諾勿斯 說...

小弟好彩,小弟o個邊都都好融洽,只係升職半自願請大圍食一餐勁,唔會單單打打…

若缺齋老人 說...

老兄所言極是:人有過份高估自己、以及低估他人能力與貢獻的傾向。

篤篤篤撐 說...

好彩我果行, 全世界都冇得升....

匿名 說...

Marshmallow,

以前係舊公司,真係每年要同老闆為左升職同加人工片到牙血都出埋...其中...簡直係「火中取粟」...(依家新公司,應該都係「跟隊」多...)

要有資格同老闆去片,就要手握一d老闆無法唔識同既「戰功」...無論係實實在在係沙場上征戰殺敵,又或者係係陰雲密佈既辦公室政治中「護主有功」...甚至係「其他」...總之...就係有佢本身獨特既存在價值...

其他競爭對手,可以做既係證明自己比對手更有價值...戰敗者,自行檢討得失,並評估本身在戰場中的未來發展及位置已經足夠...嚼舌頭講一些酸葡萄的說話,並不是大丈夫的所為...

君子之爭,必也射乎?

匿名 說...

聽講除左Tealadies同埋極高層, 大部份人係這行做唔過四十歲....

一係賺夠錢上岸退休,
一係俾每隔幾年既其中一個浪沖走左.

Marshmallow 說...

安兄 - 小女子脫離舊公司以後發現, 原來能夠同同事平安相處, 絶對係一種福份!

齋老爺 - 歡迎光臨! 所言怎對, 人總愛將自己既缺點美化, 把別人既努力抺殺. 小女子以前都好介意別人唔祝福自己既好運 (雖然所謂好運, 得來不易), 但近來更發覺, 原來有時候, 無論你幾努力, 別人都唔會祝福你, 咁不如算罷!

AK兄 - 升職, 從來都係靠一啲你有, 而別人冇既野. 酸葡萄們有好多野冇, 佢地只係唔接受現實, 要搵人去解釋佢地既無能罷了.

emoneikimasu - 歡迎光臨! 乜呢個係你個名? 咁奇怪既...?! 不過你講得啱, 做呢行, 越早上岸越好!

Marshmallow 說...

篤兄 - 棉花爸以前都係做公務, 對公務員既付出和收入永遠不對比, 自少聽得多. 記得棉花媽成日講, 嗰時棉花爸點樣年年冇雙糧出, 但係就要出隻糧俾隻親. 諗起以家個市一差就話要cut公務員既人工, 都幾無良!