星期一, 12月 08, 2008

生死狀

投行栽員潮一浪接一浪,繼滙記和花記以後,又再有渣記和荷記傳出栽員的消息(一提起荷記,不其然又想到身邊人最愛的荷蘭銀行支票).正當大家以為各大行已經汰弱留强,終於可以重新再專心工作的時候,公司的管理層,已經在準備著新一輪的瘦身潮.

小女子的公司,一向奉行淘汰制,每半年把員工的工作表現分為五級.就算是好境的時候,表現最差的一群,也多數沒有留下的機會,要讓位給新血.普遍上,除非老細有心和你過意不去,做老細的,不會刻意去置同事於死地,最少也會給你一個合格.

話說管理層在年中表現評級時,有感海潚已近在眼前,立令各經理們,每人必須推出最少一名不合格的同事,「以備不時之需」.經理們再肉痛,也被迫交出了隊中一個人頭.「不時之需」來得快又狠,上一輪的大屠殺之中,已經一次過把不合格的同事通通送走,剩餘下來的,絶大部份也屬有能力的一群.所以,上次的遊戲叫「爭凳仔」,今次改變了遊戲規則,玩「排位」.

管理層排位的玩法,是要求經理們,按照P仔或日常營運的需要,把自己手頭上的人頭排名次,手頭上有十人,便分一至十.道理很簡單,下一輪的殺戮,便由排位最低的開始.至於殺戮的死傷人數有多少,看來,要視乎公司年尾的業績.

近日,各經理們望著自己手上的排名表,唉聲嘆氣.明知手中的,是隊中兄弟的生死狀,被迫要把人頭交出之餘,又不能隨便和別人分憂,的確是令人感到非常沮喪.當然,亦有不少經理們,包括小女子最鐘愛的新官,承這個機會去拉攏其他經理,把不討他歡喜的同事排名推低,讓這新一輪的瘦身潮,軒起了無數的辦公室政治風波.

10 則留言:

Esaltato 說...

"承這個機會去拉攏其他經理,把不討他歡喜的同事排名推低"

所以你話, 呢個世界冇"運"點得。唔好講話得唔得人歡喜係性格造出黎。人夾人緣就係咁解。奠。

匿名 說...

這樣下去, 這個遊戲剩下來的生還者對公司還有歸屬感嗎? 當市況好轉時, 留下來的精英第一件事, 可能便是買報紙了(上網都得)...

篤篤篤撐 說...

排位遊戲, 好多時係講馬房關係,多過講工作能力。

Marshmallow 說...

Esaltato – 運,同命運,係好唔同既野,唔可以攪錯架…小女子始終認為,運,係控制唔到既野,但係命運,係可以自己支配.

係,同意你喺公司識啲咩人,係運,但你點對人,注定你既命運.你係公司,一定會遇到一啲唔鐘意你既人,搵你麻煩.呢啲,係唔好運.但係你點對番人,決定你以後做人處事既態度.而你點對人,係由你性格支配既.

又或者好似小女子咁.小女子曾經有個好好既老細,呢個係小女子好運,但係如果當時唔識得珍惜佢既鞭策,小女子既命運,又可能會改寫.有啲人,你一鞭佢佢就死,有啲人,你越鞭佢佢就越强.呢啲,就係性格決定既命運,你明唔明?

incomplete - 以家都真係冇歸屬感呢支歌仔唱.上一輩既人,打工可以打一世,以家,唔係話啲細路唔定性,只係好多時候,唔到打工仔控制

篤撐兄 - 講得好...一講起馬房,小女子又有好多野講...等我籌集一下啲思緒先...

安諾勿斯 說...

係「生死狀」定係「舒特拉的名單」,一念地獄,一念天堂。

N/A 說...

一步一驚心. ....Good Luck !

Marshmallow 說...

安兄- 「舒特拉的名單」...有啲似.呢個名單,寫起上來有好多苦澀.

今晚同一個被栽既同事食飯.每個人都有個家,有啲對佢黎講好重要既人.同事以家煩緊,點供對仔女繼續係外國讀書,怎至放下身段問其他同事,有冇人想賤價接佢間屋...諗起來,真係好辛酸.

巴林兄 - 多謝晒!你都係,希望大家過咗農曆新年以後,時勢會好啲.

安諾勿斯 說...

唔係嘛,講真定講笑呀?賣o既係佢就來摩翻來就來上會o既屋嘛?唔好話住緊o個間嘛?!

Marshmallow 說...

未就係佢住緊嗰間囉.佢老婆仔女係外國,以家諗住賣樓出走去一個更難搵工既國家...你話,係咪好辛酸先?!

匿名 說...

Marshmallow,

經過左今年之後,AK開始傾向相信,係職場上既成功,好多時都係...

「我說你成你就成,我說你不成,你就是成也是不成...」

表面上,依句野係有d叫人沮喪既,好似對自己既能力無左信心...不過AK反而咁睇,自己既評價,係自己俾既,人地可以覺得你「不成」,但自己就應該清楚自己到底有幾多斤兩...

依句野,有d企係「魔界」既入口...為左令到人地覺得你「成」,你到底用咩手法,可以犧牲d咩...都真係...只可以講...係自己既決定...

AK當然相信,能力,性格...好多自身因素影響係生死狀入面既排位...不過,更多既因素...係out of control...都係「盡人事,聽天命」...