星期四, 12月 25, 2008

聖誕交叉扑之《特別勤務》

零八年既平安夜...

Marshmallow懷住不忿既心情,對住透發出慘綠色螢光既LCD顯示屏,手指高速地係鍵盤及滑鼠之間飛舞,進入debug模式...

一切都係沿於早前係同小馬哥共享三個月之前經已預先訂座,並且係之後名列車呔人美食圖鑑升價十倍既酒店超豪聖誕大餐既時候...正當侍應端上特別為Marshmallow準備既blueberry cheese cake之際,天殺的電話居然唔識趣地響起...原來老闆急call...公司新裝果個trading system居然之前test run既時候好地地,係依d普天同慶既日子就走黎爆鑊...

Well...雖然第二日係聖誕節,全球多個主要既市場都會休市,不過耶蘇出世始終唔係「地球停轉日」...又雖然...死隻system依d咁既雞毛蒜皮既野其實又真係唔需要Marshmallow呢d高層去理,不過一貫「瘦呆衛忠」既Marshmallow深得老闆信任(唔係又點會係海嘯之年仲有職升),又熟知全公司各個系統運作以及整體公司營運細節(IT人既特質)...加上老闆隨手拎起個電話,好肯定係咁既大時大節唔會托佢手肘既...都應該係得佢一個(所以海嘯之中佢既地位不受動搖)...結果係眾多巧合既原因...導致左一個「不能逆轉而又無可避免」既結局...

Marshmallow記得佢離開酒店既一刻,佢留意到小馬哥手中有酒店房間既key card... Marshmallow果一刻都有d緊張,特別留意下附近有無一d廿二,三歲,就讀城大既小妹妹...well...唔怕一萬,最怕萬一...
正當Marshmallow既手指同鍵盤開始進入「閃光模式」(即係好似god gundam咁開始進入god mode)...忽然之間係碩大既辦公室內有一下清翠既快門聲劃破左長久以來既幽靜...

Marshmallow心頭一震...大時大節,咩人會係依個時候留係office入面...唔通...有鬼...好奇心驅使之下,Marshmallow開始循聲尋影...搵下搵下...去到左office既另一頭既會議室...佢發現左剛剛由另一個office借調過黎做marketing既Edison...

Edison上任當日就經已成為左一眾女同事既焦點,雖然Marshmallow成日覺得,Edison行路個姿勢有d似隻猩猩...但都不失為一件靚仔...而且...佢仲似乎有d怪僻添...成日拎住部相機唔知影咩...

平安夜...碩大無人既辦公室...手持住一部Nikon D3X既Edison向Marshmallow提出左一個要求:

「Marshmallow,

Merry X'mas,
...有興趣過黎做住我model先...
我地有份brochure趕緊...」

(文章由風華絕代風起雲湧風塵僕僕風韻猶存又稱博壇林峯既AK提供)
_________________________________________________

後記:AK兄實在太抬舉小女子了.對老細,小女子從來都採取中庸之道,就係如非必要,老細大可以忘記小女子.

今年如過往多年一樣,苦樂參半.最高興的,可以說,是從扑中認識一班志同道合的朋友, 與眾樂樂。大杯酒, 大塊肉, 傾下人生哲理, 講下別人壞話, 也是小女子寫扑的其中一個目的.

5 則留言:

渣估 說...

Marshmallow: 聖誕快樂!!

家陣香港有好多本來叫 Edison 既 (十歲以下)男童都已經改英文喇...

^_^

安諾勿斯 說...

聖誕快樂!!

Morca 說...

Merry Christmas!

richmapoor ma 說...

MERRY CRHISTMAS!


Regards,
Richmapoorma

哥斯拉 說...

Happy boxing day!

AK的文章為blog主人度身訂造,真的一樣。