星期一, 12月 01, 2008

性格決定命運

曾經有某人過了小女子一棟(不點名了,自己對號入坐罷),說到,「我們以前共患難,總比你們現在共富貴,來得珍貴」.

嗯,多謝你的提點,令小女子深思了好一會.究竟患難是怎樣介定?患難又是怎樣產生?有多少是時勢造就?又有多少,是自己造成?

金融海潚引起了經濟動盪,本來有錢賺的樓房通通變成負資產,屬時勢所趨,但如果知道自己根本乘受不了風險,還要一意狐行呢?這患難,又是否自己造成?

今年花紅泡湯,人人紮緊褲頭,加上年近歲晚,無錢交稅之餘還欠下一身債,債權人追數有如午夜凶鈴,固然要大嘆時不與我.但如果你一向都無未雨繆綢的習慣,左手來右手去,明知自己欠下一身找不完的咭數,還任意讓物慾支配人生呢?這患難,又是否與自己有關?

栽員潮不斷湧現,無工無收入,夠難堪了吧.但如果你工作上從來都得過且過,每次栽員潮,自己都是最早被 栽的那個?那,又是否應該檢討自己的工作態度?

小女子本性物慾不強,只知道銀行戶口多一個零,便多一分安全感,所以,小女子可能一世都無機會,要身邊人替小女子找咭數,一同節衣縮食來幫小女子還債.十年以來,小女子經歷過多次栽員潮,只知道要保自己的工作,必先由自己努力做起.扮軟皮蛇,偷懶這些動作,小女子從來都未想過,會令老細更欣賞自己.也可能因此,小女子暫時並未有需要身邊人陪小女子失業,大家一同去圖書館排排坐.

但這並非代表我們的關係,比起與你的,不夠珍貴.人,總愛把自己的缺點美化,把別人的努力抺殺.與其和別人比較,究竟是共患難,還是共富貴更值得珍惜,倒不如自己爭氣.不斷為自己找借口,將醜陋事情淒美化,把患難歸咎於時勢,只會使自己原地踏步,一次又一次的犯下同一個錯誤.

時勢.是改變不了,但時勢造就的,是英雄,或是狗熊?這,純屬性格決定命運.

10 則留言:

匿名 說...

Marshmallow,

吋番佢轉頭,「簡簡單單,一句到尾,你自己都識講啦,你係以前,佢係現在。」

kenkachemhazard 說...

有時我在想,性格是甚麼?

現在的答案是:習慣。而習慣是可以改的,老不老,肯不肯,發自內心還要環境配合才改得成。

只是反省習慣本身已經不容易。

篤篤篤撐 說...

極度同意, 金融海嘯對人既影響, 其實係心態。
30000點時唔知死仲搏老命借錢, 趺市時又唔捨得攬住股票, 今時今日都係自己性格決定。

前兩日, 同朋友傾, 佢地問我蝕左幾多, 我答:齋08年就冇左3成,由05年入市計就賺左5成, 應該開心
朋友笑我阿Q~~

問題係, 將賺少左既當係損失, 一定係唔開心。樓價一樣, E+先回去07年初既水平, 邊有損失GE ?

大好景時亂花錢的, 另計。

大口仔 說...

絕對同意性格決定命運的講法,大口仔經常同師弟妹及下屬講"做好自己然後才講際遇吧!",不過唔知有幾多個聽得入耳。

匿名 說...

讓我向全世界說句我愛你 - 棉花糖, 請庸人們, 前度們勿自擾之.. 我會用心去愛你, 免得你被別人傷害, 請前度再勿上來煩擾,
讓我們全心全意, 寧靜地繼續生活, 好嗎?

匿名 說...
網誌管理員已經移除這則留言。
匿名 說...

小馬哥又情不自禁地上來要向全世界說句我愛吃棉花糖了. 讓棉花糖的甜蜜在小馬哥的肥腸內蠕動, 從今時直至永永遠遠.

Esaltato 說...

這些道理只係俾已經明白呢個道理既人睇。唔明或聽唔入耳既仲係相信命運支配一切。的而且確, "運"係呢個世界仲係占據一個好大既位置。所以一命二運三風水呢句說話講極都唔厭。

BTW,我既購物慾仍然好強。好想fing錢。

渣估 說...

在香港地生活, 而能保持對物慾要求不高, 唔容易, 斷估同父母教得好有關....

很同意性格決定命運, 家庭則是有份塑造個人性格的場地, 命運又決定我們誕生在怎樣的家庭...

安諾勿斯 說...

性格決定命運,但生活o既環境、教育、朋輩,即係命(運)啦,都影響你o既性格。 性格同命運,相輔相成,又相生相融。做人樂天知命,就事事順景。萬事順心,自然開朗知足,係一個正遁環。要改變現狀,不如先改變對事件o既睇法。

「你的心境如何,你的環境如何。」