星期二, 8月 19, 2008

專長

最近和朋友敍舊,朋友說他讀書為興趣,所以決定讀CFA.小女子的第一個反應是…吓?!

朋友大學讀商業,畢業十年,現身為兩間壽司店的老闆,和CFA牛頭不對馬嘴.讀書為興趣固然是好,但為何不選擇一些容易又有趣的科目?朋友解釋,是因為CFA屬專業資格,日後可能有用嗎!

不知為何,小女子對這心態,總有點不以為然.正正是因為這心態,現今的童年,才會花這麼多時間學琴,學跳舞,學法文…家長們總愛說,日後可能有用嗎!漸漸忘記了發揮專長的重要性,總覺多一樣比少一樣好,唯恐小朋友少了一樣半樣的所謂技能,給同學們比下去,也從而令小朋友對自己失去了應有的自信心.

人在本港,興趣又好像和時興有關.潮流興學騎馬嗎?家長們又一窩蜂的要小朋友去學.馬術學校一開再開,但又有多少個小朋友,可以真真正正地學到上奧運拿金牌的地步?潮流一過,這些馬術學校,還不是像多年前的高爾夫球場般,變成眾多消閒活動中的一個玩意?

發揮專長,要先把興趣及消閒,與專業和專注分開.要做壽司店的老闆便要做好壽司店的老闆,要讀CFA便要讀好CFA,要學彈琴便要學好彈琴,要學騎馬便要學好騎馬.你一面做老闆,又一面讀無謂的CFA,一面要孩子們去彈琴,但又一面要他們學騎馬,一天究竟有多少時間能專注去學好應該學好的?可恨是學校以自身利益為大前提,不顧學生們的需要.坊間不少所謂的名校,說明校外活動不能少於三樣,有些還說彈鋼琴不計,太普通了,根本就是小朋友應該知道的「基本」知識!可惜的是,現在街上十個小孩,十個都會彈鋼琴,但真正可以逹到專業的,又有幾多個?

網上討論區有不少關於香港奧運隊今次在奧運之中表現零突破,將責任歸咎於政府,甚至歸咎於香港奧委會會長霍震霆,什麼政府支持不夠,訓練場地設施不足.小女子倒認為這根本便是家長們的心態問題,和政府政策無關.社會風氣急功近利,傳統父母只想子女做醫生,律師,就算子女做想做運動員,潛質和熱誠都給父母,學校的傳統思維冷卻.再加上消閒活動太多而又不夠專注,家長,學生們一味盲目追逐潮流,隨風擺柳,失去了發展專長的機會.這,究竟又是誰的錯?

13 則留言:

大口仔 說...

香港地大把呢D人,明明無清楚自己想點發展,就已經不停迫自己進修一D可能對自己亳無用處的所謂專業資格....

其實都幾無解!

Derek 說...

cfa一年都唔知搵埋呢種人幾多錢啦

安諾勿斯 說...

人在江湖,身不由己…

C.M. 說...

綿綿,你朋友都幾未雨綢繆播。咁快諗定自己檔野唔掂?

Esaltato 說...

其實有時諗, 有錢有時間有興趣又有乜所謂反正壽司店都有2間咯。

安諾勿斯兄話齋,身不由己。多樣野放落CV好過空了了。香港人在江湖係咁架喇。

匿名 說...

閱讀閣下的blog已久,佩服其文采.......也很羨慕其工作的環境,希望可以多多聯繫和溝通

K 說...

你那位壽司店的老闆朋友低估了CFA要考多少張卷同埋做甚麼, 肯定以為好好做, 實情呢......不如留番俾分析員Albert回答吧!

不過咁, 俾您那位朋友考到CFA, 但係又最終唔用, 豈不是攞苦泥辛?

所以, 我為那些學成五六樣課外活動的小朋友感到可憐。

又, 綿綿,您未答我先前個post的問題噃!

Marshmallow 說...

大口哥-小女子既諗法同你一樣.好多人就係因為自己都唔知道自己既發展方向,先會盲目咁跟風

CM兄-都係嗰句,要先知道自己既長短處,知道自己既位置,才會知道點樣以最短既路程,去到自己要去既地方.否則,一生人兜兜轉轉,盲目跟風,只會要自己走多好多冤枉路.

Derek,安兄,Esaltato-進修唔係唔好,不過都要知道個自己既目的,同進修既用途.人地進修啲乜,佢又進修啲乜,但係唔清楚對自己有咩用,結果只會係付出多多既努力,但係得唔到自己以為可以得到既成果,到時候,只會失望.

匿名兄(姐?!)-多謝你既欣賞.寫野黎講,小女子只不過係玩玩下.不如你都玩埋一份?!

Esaltato 說...

有時我都開始諗。前途, 出路, 未來唔係話有一條好清楚既path比你睇到。有幾多人真係清楚知道自己鐘意做乜, 自己既路向,自己長處自然短處?講又真係易。每次decide 向邊行邊業發展都係賭一鋪姐。世界上萬千種工鬼知邊種最fit自己咩。好似你做左某行十幾年先知道自己性格最fit第2行。咁你會唔會甘心由頭黎過先。對好多人黎講, 正路係由好多冤枉路走出來。

Marshmallow 說...

Esaltato-咁講啦,你話"正路係由好多冤枉路走出來",呢句話我大至上係認同既,尤其是你係初初畢業既,我更加支持你試下多啲唔同既冤枉路,唔好俾自己(好似小女子咁),做咗十幾年先發現條路唔啱自己.

但係唔好唔記得,冤枉路都分好多種,有啲你唔知係唔係"冤枉",但抱住試下既心態,試到咁上下知道唔啱自己既,少少時間,冇乜所謂啦...但係CFA肯定唔係呢種冤枉路囉.

至於你話,小女子會唔會咁心由頭黎過...我可以話:一定會.三十頭啫,又唔係咁老!!好多人四,五十歲都轉行,做啲自己真係鐘意既野.當然,要有番咁上下基礎,唔做一,兩年唔洗死既先會走去做...但係大前題都係-知道自己想做乜.人越老,就越少彈藥番身架啦.

匿名 說...

我會覺得,如果自己有個投資組合的話,咁有CFA Level 1程度的知識的話,會很有用處。

但係有相關知識,不等如要去考試的.

匿名 說...

考CFA只不過係被人的一個希望,可以改變現狀的一個希望,人有時係好需要希望,當然,可能讀CFA對大部份的人黎講係唔0岩嘴型(包括我在內),仲要攪到近視深左二百幾度,但係既然有興趣,有耐力,有堅持,我覺得試下都無訪,反正,學左架野,點都係有用,起碼你知乜野叫duration or convexity,乜野叫IFRS丫。
p.s.考過lv 1,2,3之後(Lv 3 I fail this year),我覺得讀完CFA的野係完完唔夠,唔好林住你讀完之後你的財技好勁,可以識飛, No way!

Marshmallow 說...

包生(小姐?!)-歡迎光臨.你講得好啱.識得啲乜野duration,convexity,IFRS...小女子可以話你聽,冇乜用.再潑多下冷水,小女子有個朋友,從未考過CFA,對投資可能比小女子知既重少,但係靠把口,以家做咗芬佬,問你服未!CFA,俾你個希望,但係始終都係一個希望,而做人,唔止係一個希望就可以做到...