星期一, 1月 12, 2009

拍馬屁

都說小女子從來都不是個拍馬屁的能手, 一向都認為實力最重要. 但早排大老細開了一句聲, 一個馬屁不拍不拍還需拍, 一拍便拍中馬腳, 給了小女子一個不大不小的難題, 不知道如果各位是小女子, 會怎樣做呢?

話說大老細聖誕節前來港一循, 吃吃喝喝陪飲陪食, 屬指定動作. 大老細臨行前來和小女子寒暄一番, 看見小女子的電話套, 深感興趣, 便問小女子可以在何買得到?

小女子見老細一個老外, 叫他去灣電, 如同叫他去做水魚, 便做個順水人情, 說給他買個便成了. 當晚小女子收工的時候, 已近夜半, 便想第二天午飯才給他買好了. 怎料小女子下午買了回來, 才知道, 老細已經回日本去了.

和老細一個身邊紅人談起, 紅人說, 你把電話套寄去日本, 不就成了嗎? 成, 不過, 有個成本效益的問題, 那便是, 電話套才幾十蚊, DHL分分鐘貴過電話套本身. 萬一老細怪罪起上來, 小女子豈不是自招惡運? 但如果不寄, 老細大有可能以為小女子忘記掉了, 又豈不是同樣遭殃?

死啦… 邊個有好計?

12 則留言:

程音語 說...

不如send email 扮話通知大老闆買左個電話套, 然後問下佢prefer 寄比佢,定係等佢再來香港先比佢。咁做無咁odd卦。

Unknown 說...

千金難買心頭好
成本效益不是問題

如真的要計成本效益
加幾樣香港記念品(如香港同事合照+靚靚相架)一齊DHL,不就成了?

篤篤篤撐 說...

用自己錢寄!!!

匿名 說...

自己拍的馬屁,自然唔可以動用公司資源啦...所以...為表誠意...自掏腰包都在所不計...

Marshmallow 說...

騎騎騎...多得呀程兄提議, 小女子今早send咗個貓俾大老細, 佢話下個星期黎, 叫小女子唔洗寄喎!

不過, 下個禮拜派B仔, 唔知佢黎, 又有乜動作啦!!!

K 說...

>>派B仔

派bonus? 咁發達?

又, 電話套+香港同事合照+新年曲奇(近農曆新年好意頭嘛), 咁會否得體d?

Marshmallow 說...

哈哈...我地有個"習慣", 派B仔之前來個"Judgement Day", 有得剩既, 咪有B仔囉!

s-pig 說...

會唔會有其他公司野,一齊寄埋囉...又會自然d...

K 說...

>>個"Judgement Day", 有得剩既, 咪有B仔囉!

咁反過來講, 若然無就會搞到員工暴動噃(尤其係您, 今年駛費勁呀您)!

您又頭痕呀!

市場維京人 說...

click 下 click 下 click 咗入嚟。
結果,b-day 嘅 result 係?

Marshmallow 說...

維京人 - 如小女子所料, 得個桔, 不過都總好過連個飯碗都冇埋既!

匿名 說...

2 words - Internal Mail
:-)