星期三, 11月 26, 2008

金融海潚自保法

上個星期的大浪,震撼人心.無心工作固然是少不了,人人忙著打聽消息,誰跟誰成為了最新的犧牲品之餘,還有忙著的,是替自己收拾枱頭的私人物品.只因大浪來得快又狠,眼見受影響的同事根本連收拾行裝的機會都没有,便已被送出門外,如此絕情的下場,確實令很多人以後對投行的生涯,為之卻步.

興幸有身邊人一同分擔憂慮.大家份屬同行,每天聽著行業又栽員多少人的消息,感覺雖不好受,但身邊人一向比小女子樂觀,既來之則安之,只有作最壞的打算,做最好的準備.和同事們探討過大家除了自求多褔以外,還可以作什麼準備?三個臭皮匠,總好過一個朱國亮,大家總結了一些方法,算是比較正面.

1. 減低自己對員工褔利的依賴
這是同事親友的親身經歷:同事的親友一向利用員工褔利供樓,不幸被栽員以後,照公司要求於一個月內把樓宇按押轉走.此時無工在手,除非按押屬聯名,舊公司明知你已經無工做,根本不會讓你繼續上會,而到時候找其他銀行做按押,難過登天.

令一種較為普遍的員工褔利,是醫療保險.以小女子的自身經歷來說,有起事上來,除非你入的是公共醫院,入院一天的花費不少.還要記得的,是就算你買了保險,保險公司普遍都有最少三個月的「過冷河期」,開始保費後的首三個月,保險公司絕不擔保.

2. 看清楚自己的需求和儲備
清楚知道自己每個月需要的洗費,當然是包括你要照顧的人了.究竟你有多少儲備?你自己每個月花在最基本的住宿,飲食需要幾多?和家人清心直說,如果你没有收入,他們自己能支持多久?

3. 清理私人雜物
從多位被栽同事的遭遇來看,今次栽員屬即捕即解,受害者根本連收拾的時間也没有.所以為安全起見,同事們都已經收拾好行裝,無謂在眾目睽睽之下,令自己更加尷尬.

4. 保持身體健康
健康便是財富,有健康的身體,才能繼續拚博.病到死下死下的,有救生艇也無力去上.小女子一直有開做gym的習慣,做運動既可給腦部一個休息的機會,做運動以後,人的確也清醒很多.

5. 保持心境開朗
失業,雖則是很大的打擊,但天無絕人之路,時勢究竟是做英雄,又或是狗熊,看的,是心態.搵開十萬,便不可以做份兩萬的工?當然不!生命誠可貴,保住了生命,人生,還有很多遊戲好玩的.

5 則留言:

Samsara 說...

綿綿:依個時勢,身體健康最重要呀!多d時間做運動囉,你仲識拉小提琴添!令自己開心最重要呀。

篤篤篤撐 說...

清理私人雜物
>>>
呢樣最難, 每次搬office, 我都要call van仔至攪得掂...

匿名 說...

Marshmallow,

AK覺得,係依個時間不幸落水,心境係一個好重要既關口...正如係自己果邊都講左,要撐得往,除左一定既儲備之外,其實身邊個supporting circle都好緊要,真好有一d distraction,如果唔係,太集中去望住個現實環境,好易會出事...

不過...AK都係覺得,無論你幾咁「硬淨」,三個月,都真係差不多極限了...

大口仔 說...

我估你做投行,大家算係半個同行。今時今日做銀行有D似過街老鼠,又要面對裁員壓力,但我信有料的人總會跑出,心境最重要。

祝大家安然渡過今年年關!

Marshmallow 說...

Samsara-身體健康,肯定係最重要.講真,死下死下咁,做乜都唔得啦...話時話,你點知小女子識拉小提琴架?!死啦,近日老人癡呆...!

篤撐兄-以前好景時,你唔留野係公司,做老細既都會成日驚,你聽日重番唔番工架...?!以家!?佢都真係啋你有米...唉!

AK兄-小女子都覺得係.時勢做狗熊?定係性格決定命運?都要睇你身邊既人俾到啲咩support你.至於儲備...小女子初初出道既時候,聽過前輩講過最啱聽既係,一定要有半年既生活費係身!呢樣野,小女子真係終身收用.

大口兄-有料的人總會跑出.係,小女子以前都信,但係最近,信心,的確動搖了.最近見到既,係排除異己,係公報私仇.所以話,有料同冇料,最少係小女子既公司黎講,冇乜關係.反以咁,心態係從容咗.既來之,則安之.打到黎先算啦.