星期三, 11月 19, 2008

勝者為王

商場如戰場,大大小小的戰爭不時發生,無論是內戰或是外戰,結局只得一個,那便是勝者為王,敗者為寇.

今次的敵人,是堂堂一個國際性的金融海潚.當大家趕著上救生艇的時候,才發現那些救生艇,坐位少得可憐,只得眼白白看著某些同伴,被留下來給海潚吞噬.

逃生其實没多大的技術,不外乎是天時,地利,人和.考合地在適當的時間,出現在適當的地方,有適當的同伴.唯一的技術,只是知道自己的籌碼究竟有多少,以及運用這些籌碼,買個人情,給自己走位.

今天,可算是戰情慘劇,屍橫遍野.無論前線,後勤,連大老細都不能幸免.昨天才和同事們開玩笑,如果我們任何一位戰敗,大家便拉大隊,午餐唱K去也.從容面對逆境,不失為一個方法.

但當興幸自己今次有艇上的同時,也不能掉以輕心,因為,大浪陸續有來!

5 則留言:

大口仔 說...

好多時都係一隊人一隊人咁走,真係好恐怖。

C.M. 說...

我地呢邊雖然未有風聲,但人心虛怯,點點風吹草動都惹來陣陣疑雲。

安諾勿斯 說...

小弟日日都擔驚受怕,今日唔知聽日事。每日一返工,其他人就不斷打聽裁員最新o既消息,搞到自己都冇心機做o野。希望海嘯快啲過去,可以過返啲正常日子啦…

Esaltato 說...

今日都收到少少風,話呢lion銀行準備左10個櫃桶既信, 至今開左2個咋。我心肝仔卜卜跳。

不過而家先黎驚都冇用。係你就係你。盡人事, 聽天命。(呢期金句)

棉花姐, 今日真係醉左啦,大拿拿2千銀買左件褸囉。人地個個慳, 我就仲係咁fing。下個揀中我就要跳樓找卡數lu。

Marshmallow 說...

大口兄-今次真係驚心動魄...成條船一下子人間蒸發,真係唔講得少.


CM兄-我地根本都冇人有心工作.日日唔係話,今日會唔會有消息?就係邊個邊個俾人炒咗.唉!佢地唔快啲動手,反而影響員工

安兄-小女子既心態係,總有個底既.個底可能已經到咗,只係我地睇唔到...真係希望以家係啦!

Esaltato-今次救市既使命,靠你啦!