星期六, 9月 06, 2008

再談主動性之- 四種人格

臨時兵團轉又轉.隨著P仔的開始和完結,兵團的人數加了又減,減了又加,不經不覺之間,小女子已經和三十多名程式員合作過.對於同事們的主動性,小女子可以分四大類.

1. 資深主動型
這些程式員最受小女子深愛.他們對市場的認識,分分鐘比小女子卓越,而且話頭醒尾.一開口說出交易員的要求,他們已經心中有數,有些怎至可以即場告訴小女子,什麼行得通,什麼不能做,小女子想漏了什麼,又或是應該怎樣做會更好等等.

對公司來說,他們是金蛋.可惜的是,他們知識和收入永遠不成正比例,普遍人工偏低,也因此做得不長久.做得長久的那一斑,又通常會慢慢變成資深無動型,實屬業界的悲哀.

2. 無知主動型
這些同事對市場的認識可能不深,但勝在肯學肯做,給他們一個問題,他們可能不會立刻便懂回答,但給他們一點時間,他們會懂得自己找答案.在小女子的公司裏,這些同事不難在上海,印度等offshore team中找到.

小女子對這些同事們,普遍的態度是盡可能幫得就幫,眥因他們大有潛質轉成資深主動型,到時候就可以幫小女子一把,互助互利.這類同事又通常做得最開心,每一次他們多學了一樣知識,對工作上又多樣滿足感.

3. 資深無動型
只有一個字可以形容這類型同事,那便是「懶」!他們並非不明白交易員的需求,也並非不清楚需要做什麼,只不過他們實在懶去做,只好不斷找藉口,什麼resources不夠,什麼requirement不夠齊,總之賴得就賴,拖得就拖,寧願選擇去玩辨工室政治,也不願快快手把事情做好.小女子一天花得最多時間的,就是用在這種同事身上,非常無聊.

對付這類型的同事,小女子只有一個對策,便是找他的老細算帳.麻煩的是,他們大多都屬較高層.試想想,如果他們層數不夠高,眼光不夠精銳,也不會有膽量去偷懶了.小女子也不只一次要因為這種同事,硬闖太上爺的「香閨」.

4. 無知無動型
這類型的程式員,實屬無藥可救.他們的無知,原全是一個鷄和蛋的問題:他們之所以懶,是因為他們無知;他們之所以無知,是因為他們懶.他們可以說是帶給小女子最多煩惱,又最討小女子厭的一群.

無知無動型的藉口,和深知無動型同事的藉口,非常相似,不過他們最喜歡的,還是那句requirement不夠齊.文件寫得再長盡,對他們來說都無多用,因為除非小女子連街邊師奶都知曉的知識也寫下來,他們永遠都不會明白,他們亦根本懶去明白,因為明白了以後,只有更多的工作給他們去做.

小女子真的無這般閒情逸緻去應酬這幫懶人,教曉他們街邊師奶都知道的商品知識,也不應該屬於小女子的職責範圍.對付這幫懶人,小女子也只有一個方法,便是和老細相討:換人.

7 則留言:

安諾勿斯 說...

死喇,小弟成日係返工時間check棉花姐o既blog,又成日好無知咁問棉花姐o野,咁咪係「無知無動型」。

個市而家咁樣,兩房又收歸國有,小弟咪好大鑊?!

匿名 說...

我同棉花姐嘅工作環境,真係好似.

K 說...

點解呢四種人, 竟然在我的機構度出現了?!

不過, 小職員的我, 其實可以做甚麼?

Marshmallow 說...

安兄-以家生意難做呀,醒定為上!不過見你都唔算無知呀,似資深型多啲喎

魔師兄-其實呢種同事,係邊到都會遇到

Karen姐-做細既,真係唔可以做得啲乜.好多時候只可以好被動咁去拆,非常浪費時間.

安諾勿斯 說...

今次真係大Q鑊,格老都話係百年難見o既危機,唔知兩間百年老鋪可唔可以過到呢關…

小弟果邊尚萛ok,棉花姐,你果邊點呀?

安諾勿斯 說...

講開又講啦,有啲「資深」BA都係無知無動型。

話雖資深BA,但對technical一曉不通,啲spec等如筆錄user口講o既o野,完全唔digest吓。有build-in function唔用,諗o野又唔generic。要人寫啲duplicate o既o野,去serve某一個user o既need,真係想死。gap analysis又唔做,同existing o既flow一啲都唔夾都唔知,都唔知公司請佢係做秘書定係BA。

Marshmallow 說...

安兄-小女子呢邊都唔係好好多,不過又未至於好似LB咁大鑊既...不過今日唔知聽日事,都係未雨綢繆好啲.

我唔排除有啲BA都係無知無動型,因為個個工種,都會有一啲呃飯食既人係到.好既BA,好多時都係technical出身,對technical方面熟悉之餘,又要對business熟悉.我可以話,任何一個BA,只對一方面認識,就已經失去咗BA既用途.所以做好一個BA,一啲都唔容易.

你講開flow,小女子最近做開flow analysis,真係做到一肚火.有咩理由一個country既flow,可以有六個唔同既路線?!同老細講,唔該你consolidate好,先至諗其他.佢竟然話,legacy架,算啦,加多條啦...激到小女子差啲爆血管!