星期三, 1月 16, 2008

時代巨輪

好震撼,不要逼我…不要再逼我!!

作曲:Eric Kwok / 孫偉明@my private zoo 填詞:林若寧 主唱:陳奕迅

停不低地計劃 停不低地建立
BB班便每日疑惑
驚心動魄 背影給踐踏

流水式做馬達 流水式唸對白
零空間為歲月留白
一天路程 太多的抉擇
長袖或背心 零食或正餐
護理跟拆爛 娛樂或上班
前行還是轉彎 猶豫停頓瞬間
明日已經到站

*常期望安定 還期望即興
無崖地唱唱唱唱我恐怕畢竟這是我的宿命
無能力修正 無能力嗌嗌嗌嗌嗌停

*#一開始誕下已經蒼老
一開始拍翼已追不到
當骨牌瀉下已知道
天天迫我上路 天天迫我進步
難避免捲入時代太恐怖

#離別或結婚 和睦或競爭
問我怎去辦 停下或轉彎
無奈驟眼間 城門便已關
時代快反應慢

無止境地角逐 無止境換節目
肥皂劇日與夜延續
參演下去 哪一天結局

我 想好好抉擇 好想嗌暫停想一想哪樣過
怕 想一想以後 身邊觀眾便離座

repeat*##

10 則留言:

Esaltato 說...

唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉

Marshmallow 說...

哈哈,做咩咁愁呀?

Esaltato 說...

唉......今云真係講不出聲。

C.M. 說...

既然講唔出聲,不如寫出黎丫。

Esaltato 說...

棉花姐, 原諒我用你少少位寫d野。

話說咁岩得咁Q,有個大學師姐而家同我做左同事,佢只係早過我6個月入職。咁唔好理啦,大公司大機構,我地D茄里啡都係排隊等升咁款。而一如以往既PRACTICE都係AROUND一年就升上SENIOR(應該係為左留人而升)。咁阿師姐就好平步青雲啦,真係AROUND一年就升左上SENIOR。
但係當我入左職3個月0個時, 公司就拆開哂D POSITION。由以前既A->B->C->D 轉到 A1->A2->B1->B2->C->D。好明顯公司想拖長黎升,白痴既都知佢想點。咁一個唔好彩,我就應該跌左落新既呢個CATEGORY。

我突然覺得好冇FUTURE。勢利D講,我都係想以最短既時間求個最FIT既TITLE。當第3者睇,有人一年內升SENIOR,而我就要用年幾OR 2年先升到, 人地就會覺得我工作能力唔夠人好。我自問自己好努力,已經HANDLE緊SENIOR做既野。如果要我等多年幾先有SENIOR個TITLE,我覺得有點不是味兒。

老世又經常講埋D廢話,話學多D野又點點點。郁一郁就用FRESH GRAD呢個TERM黎撻我。邊個話一個FRESH GRAD既工作能力同態度唔會比一個有做過野既人好? 仲發現老世原來冇幫佢既一個下屬FIGHT過BONUS呢樣野,轉個頭就同個同事講話佢NOT ENTITLED。感覺好差。咁當然,有時我都會諗,係唔係真係唔應該太計較咁多? 做好自己本份? 但係眼見咁多唔公平時,又唔係幾見到將來,點解仲浪費時間? 如果唔想浪費時間, 又可以點? 搵份咩工? 想做D乜? 定係我只不過係一隻井底蛙,天下烏鴉一樣黑,只係我係度幻想第二度會更好? 好煩。

C.M. 說...

不如咁講。

年紀大左,人就多左歷練同失誤。尤其係用腦多既行業,歷練同失誤就更多。我諗講到呢度,你應該仲會同意。

但跟住或者你唔同意既係,越多歷練同失誤,年紀大d既人就會覺得自己已經太多歷練同失誤,所以下個決定就唔想再錯 - 一係唔做,所以唔錯;一係做,但唔可以錯。

我想講咩呢?

不如話我想問番你對以下幾個問題點睇:

1. 以最短既時間求個最FIT既TITLE
2. 因公司制度不利自己而打算離開
3. 因上司看扁自己而打算離開
4. 因認為自己比別人更適合某一個Title
5. 因自己的 Career Path 不應在此

安諾勿斯 說...

Esaltato兄:

你o既問題,令小弟recall返undervalue兄o既問題。undervalue兄覺得自己真係undervalued,而你就認為間公司(或老細)對你唔fair。其實,你認為咩為之fair?

fair唔fair其實都幾主觀,唔同人有唔同o既睇法。有d人講quali,有d人講working hour,有d人講throughput,有d人講potential,小弟唔在此評論啦。不過,Esaltato兄有冇諗過點解公司要拖長黎升,拖長o左對公司有乜好處。雖然,career path拖長o左好似可以幫公司慳番筆人工。但係,拖長o左career path, staff morale低o左,job market o既競爭力又大幅下降,turnover rate加大,公司實得不償失。career path拖長o左其實對公司冇乜好處喎。

咁,冇乜好處點解公司又要做呢?小弟從來唔會低估d management,特別係大公司個d。唔好以為d management個個食虱米,淨係識搵縮數,冇事搵事黎做。每一個strategic move都係千錘百鍊出黎,都會有d strong reasons support。小弟諗,其實有冇可能公司forsee公司o既經營環境或direction唔同o左,公司對middle management o既需求減少,要改變制度拖慢或減少中層o既數目呢?制度o既改變可能係公司o既方向、行業o既興衰、經濟轉向o既先兆。

阿師姐只係升o左一個grade姐,頂籠搵多幾千蚊,都唔萛得上平步青雲啦。假設大方向轉變o左,佢想繼續升上去都難,而家高一個半個grade又如何。要裁o既,高一個半個grade都係冇得留低。

公司制度改變,好多人會問"who move my cheese?"。其實舊芝士既然已經冇o左,最緊要係搵番舊新芝士,而唔係呻點解舊芝士冇o左。

都係個句「人比人,比死人」。

Marshmallow 說...

安兄就講得對啦,人比人,比死人。要上位,需要天時、地利、人和。有時候,睇野要長遠一d,阿師姐可能依家好彩,係合適既時間,出現係合適既地方,認識到合適既人;但並唔代表佢永遠都咁好彩,亦唔代表你永遠都咁唔好彩。

一個人既事業有好長既時期,千祈唔好因為一d現在睇落好唔公平,長遠d睇落其實好微不足道既野,而對自己失去個自信,失去對份工既熱誠。

見到你咁講,其實都好悕虛。小女子都曾經經歷過你既階段,不過係工作了兩年後才發現,而且面對既,唔係邊個有得升、邊個無既難題,而係在魔魔記既世紀大合併中,邊個俾人炒、邊個有得留低既局面。你顯然比小女子聰明好多,咁快已經知道有事情障礙你既career progress。不過,希望你唔好介意小女子咁講啦,你其實重好細個,事業重有好多年既時間去證明你自己。CK兄都講過,一份工,無可能有晒你想要既一切;你要知道既,係在呢一個階段,你最需要既係咩,你可以犧牲既係咩。只要你唔好俾打倒,永遠俾到你最好既一面,機會,總會有一日,來到你面前。

Esaltato 說...

CM兄,其實我知你問0個第5條問題先係我既問題。如果我做緊一樣我真係鐘意既野,我諗我都唔會太介意頭0個4樣。不過講係咁講,到時又唔知再會扭咩野計。不過要知自己鐘意做乜係何等難。不過我唔明點解扭計就一定等於staff morale低左。我雖然扭下計,但係野照做,心機照比,T照O。無分別。明白呢D咁既SITUATION間間公司都會有,抱唔到咁多怨。可以做既就唯有裝備自己再等機遇。好消極,但係現實似乎就係咁。

匿名 說...

Esaltato兄:

其實我提議你可以花一點時間想清楚你的career goal

如果你覺得你對你的工作仍然有熱情,那可能只是現在的公司同你唔夾, 這樣轉換環境對你應該會有幫助...始終在一個自己覺得唔好的公司工作只會令自己更討厭該公司 (不過天下烏鴉真的是一樣黑, 所以無謂為自己的遭遇咁勞氣...)

另外小弟同意你"我雖然扭下計,但係野照做,心機照比,T照O"的concept. 打工最重要就係"收足老細錢,就要交足差". 你可以因為undervalue左而走,不過一日身在其位就要擔君之憂.

小弟feel到你心中仲有團火, 希望你可以快d recover, 積極工作/搵工. 雖然你唔可以改變公司的拆開哂D POSITION的決定, 但至少你可以 leave it, right?

Stargazer