今早回到公司，才剛剛開始喝那杯救命咖啡，同事便來找小女子：「Marshmallow，Mr. M有事找你」。
見同事嘴角陰陰地笑，小女子已心感不妙，多口問一句，今天Mr. M心情如何？果然如小女子所料，同事答：「壞透了」。
唉！注定今天又是小女子的受難日。
朋友們有所不知，Mr. M是敝公司的輪帝。
輪帝沒有珠珠如花般的外貌，也沒有如輪后仙子般點石成金的投資手段，屢戰屢敗，又屢敗屢戰。基本上，公司靠他出來賣輪，認真死路一條。不知是有雞先還是有蛋先，輪帝對公司內的人，由其是我們這些IT下等人，總是好像得罪了他全家似的，做得再合他心意，也還是呼呼喝喝。久而久之，公司內的人對他，總是避之則吉，對他的要求，避得就避。結果，當然是令他心情變得更煩躁。
「Marshmallow，你睇睇Bloomberg！正股已經跌兩個價位，你呢套垃圾System，以家重俾我呢個價，叫我點樣食差價？！眼白白睇著個客買平兩個價位，公司錢，就係俾你們呢班飯筒晒曬！」
（嘩嘩嘩！飯筒？！）
「Mr. M，係係，System個價係慢，不過都有方法。X-2 Ask / X+3 BidCall，既然價位慢兩個，不如你做住X-4 Ask / X+1 Bid先，以家可以頂到。今日個市多成交，同港交所個線路繁忙，你又唔肯俾多少少，買高一個throttle…」
「THAT'S NOT THE POINT!個point係，你呢套垃圾俾唔到我需要的Performance!」
「咁不如我幫你落個order，同港交買高一個throttle…」
「THAT'S NOT THE POINT!個point係，我唔需要俾多錢，都應該得到無throttle的待遇！」
（又不見你和夏佳理對話時這樣大聲…）
「不如你做X-4 Ask / X+1 Bid先啦」，小女子擠出一個星期一朝早獨有的強顏歡笑，心想：「THAT'S NOT THE POINT!個point係，你賺唔夠，老細唔肯俾錢買throttle囉！」
頂！
籌集人生路上一點一滴的思緒
文章
5 則留言:
好明顯, 佢係想搵人吠下, instead of 想即時解決個問題啦。
p.s. 唔知道我出左我個靚仔post之後, 可唔可以係婚姻狀況一項度寫「我斷背」,再apply你個position呢? 哈哈哈哈
老實講,做warrant唔係甘短線, 好講間行肯唔肯落本黎build reputation. 口的 listing, throttle 都唔平. 有心做就開幾個OG, 每個12 throttles, IV competitive 口的, bid ask spread 細口的,慢慢business 會有growth. 好明顯ah輪帝好短視, 又唔肯落本, 又要賺到盡.
限米煮限飯,我地IT可以做口的mud.唯有望個市定住唔郁la :)
Esaltato-小女子怕請你唔起啦！講真呀，IT真係唔好做。Front Office當你係賤泥，其他當你係溫神，如果當初小女子有用心選擇，肯定不會選這份工！
Undervalue-唉！Throttle呢樣野，都唔知係輪帝短視，定係高層短視，又或是港交所短視。OG我們只得個幾個，港交一忙起上，點食都食唔到個價。輪帝再嘈都無用，一日輪帝交唔到growth，一日上頭就唔肯買throttle，咁IT咪受到正！
棉花姐:點解唔見o左d F-word，唔通哩到係家長指引，輪帝d F-word過濾曬？！
Esaltato:哎吖，又係o個句，做乜要斷背咁儍。
marsh
都係限米煮限飯la. 有幾多個OG都冇用, the point is throttle. 用excahnge guideline 去同佢講. 等ah 輪帝知, 個輪數reached max already, the only way is to invest, or please don issue new warrant.另外, 唔知你有冇做棚,如果有就減口的lor, 集中throttle既火力.
話時話,佢交唔到growth,除非system 日日死,如果唔係我就覺得同operation關係大口的.
你都有好多P仔 wor,佩服佩服
good nite
發佈留言