小女子近日遇上些少「錯折」，不吐不快，如聽落有點兒瑣細，敬請原諒。
話說在踏入夏季以來，小女子還未有時間去行街買夏季衫，一身數年前開始，已著得霉霉爛爛的舊衣物，自己都開始覺得有點寒酸，便襯假日，去銅鑼灣某日式百貨公司去行一次，添一點新衣。
百貨公司內的「自由人」眾多，本地陀地，如小女子般說廣東話的，要得到服務，是比較上困難。本來這是件好事，除非小女子真的需要服務，大致上，沒有服務員理會，大可以慢慢挑選。
偏偏小女子看中了一件吊帶裙，看來涼快又舒服，便問售貨員，可否一試？怎料售貨員由頭看到腳，再由腳看到頭地打量了小女子以後，輕蔑地說「我們唔賣大碼衫嫁喎」！就是這樣，把小女子打發掉，趕去招待說普通話的自由人客。
好彩小女子的心靈未致於脆弱到立刻便要去尋死，也沒有即時噴血。倒是突然和身邊人在百貨公司中狂笑，差點兒把剛吃完的午餐噴出來。先要澄清，小女子雖不致於擁有36-24-36的魔鬼身材，但自脫離童裝以後，也未有著過大碼衫。售貨員因繁忙而煩躁，小女子可以理解，但以侮辱來打發客人？今時今日的服務態度，有待檢討喎！
籌集人生路上一點一滴的思緒
文章
3 則留言:
Hi, Marshmallow
不知何時用了google reader 訂閱了你的blog, 不錯, 就永遠subscribe 下去.
劉德華有說, 今時今日這來的服務是不可以.
哈哈哈...你有時間既同個SALES繼續玩落去丫嘛。
我有次又係咁, 周個朋友想配幅眼鏡,但又睇唔中喎。咁入到去就講比佢知大約要咩款啦,咁佢就拎左一幅出黎。係一千零一幅。咁好快試完話唔岩心水啦, 仲有冇其他款啦。佢又話都唔知我地要咩款, 又話睇岩先叫佢拎。心諗,如果我一早知要配邊幅就唔駛搵你啦。咁之後我同個朋友就係咁叫佢拎哂D眼鏡出黎,幅幅未試就話唔鐘意,之後就閃人。哈哈哈,好無聊。
其實做SALES,你開心又係咁做, 唔開心又係咁做。同D客傾下計,唔HARD SELL,我返而幫你買多D野囉。都唔明點解D SALES仲係未開"囂"。真係,有D傾得埋既SALES,我真係買多D野架。
下次，真係要帶你跟小女子Shopping先，睇你對Sales應對，真係有兩手喎...
但都係個一句，今時今日咁服務態度，唉！
發佈留言